Tuesday, 28 November 2017

தகப்பனாகப் பள்ளிக்குச் செல்லும் அவஸ்தை!

ஆசிரியையோடு ஒரு சந்திப்பு!


அப்பா, இன்னைக்கு எங்க மிஸ் உன்னை ஸ்கூலுக்கு வரச்சொன்னாங்க!

எதிர்பார்த்ததுதான்!

காலைல மேத்ஸ் மார்க் ஷீட்டை வாங்கிப் பார்த்தப்போவே தெரியும்இப்படி ஏதாவது இருக்கும்ன்னு!

சாயங்காலம் எனக்கு ஒரு மீட்டிங் இருக்கு அதனால காலைலயே பார்த்துடறேன்!

இல்லப்பா மிஸ் ஈவினிங்தான் வரச்சொன்னாங்க!

பரவால்ல!  வா! நான் பார்த்துக்கறேன்!

ரெண்டு மாசத்துக்கு ஒருதடவை இது நடக்கறதுதான்!
ஒரு மாசம் நல்ல மார்க் வாங்குனா அடுத்த மாசம் தலைகீழா குதிக்கும்!

ரவி பொதுவா இந்தமாதிரி ஸ்கூல் மீட்டிங்ல்லாம் தவிர்த்துவிடுவான்!

இந்தமுறை மனைவி ஸ்ட்ரிக்ட்டா சொல்லிட்டாங்க!
நீங்கதான் செல்லம் கொடுத்து அவனைக் கெடுக்கறீங்கன்னு கம்ப்ளைண்ட்! அதுனால நீங்களே போங்க!

இந்த பள்ளிக்கூட ஃபார்மாலிட்டி எல்லாம் ரவிக்கு கொஞ்சம் அலர்ஜி!

பெரிய வெள்ளைக்கார சீமாட்டிங்க மாதிரி இங்கிலீஷ்லதான் பேசுவாங்க! பேரன்ட்ஸ்ஸும் அப்படித்தான் பேசணும்!

ரவிக்கு கோபம் வந்தாத்தான் இங்கிலீஸே நியாபகம் வரும்!

"அது என்னப்பா சொல்லிவெச்ச மாதிரி கோபம் வந்தாமட்டும் இங்கிலீஸ்?" இது மகள் அடிக்கடி கேட்கும் கேள்வி!

சரி, சமாளிப்போம்ன்னு போயாச்சு!

Hallo Madam, I’m Siva’s father.

I know! The only parent who kisses his son of this age every morning while dropping at school gate!
I remember that I told him to ask you to come around 4.

இதன்பின் நடந்த உரையாடலின் தமிழ் வடிவம்!

இல்லை, எனக்கு ஈவினிங் ஒரு மீட்டிங் இருக்கு!

பரவாயில்லை! இந்த முறை சிவா மேத்ஸ் மார்க் பார்த்தீங்களா?
வாட் டூ யூ ஃபீல் அபௌட் இட்?

இதில் நினைக்க என்ன இருக்கு? அடுத்த மாதம் நல்ல மார்க் வாங்கிடுவான்!

எப்படி? ஏதாவது ட்யூசன் ஏற்பாடு பண்ணியிருக்கீங்களா?

இல்லை மிஸ்! எனக்கு பசங்க ட்யூசன் போய் படிக்கறது அவ்வளவு உடன்பாடில்லை!

ஒரு வினோத ஜந்துவை பார்ப்பதுபோல் ஒரு பார்வை!

அடுத்த வருடம் அவனுக்கு பப்ளிக் எக்ஸாம் ஸார்?

சோ வாட்? அவனே படிச்சுக்குவான் மிஸ்!

ஸ்ட்ரேஞ்! எப்படி சொல்றீங்க?

அவன் டல் ஸ்டூடண்ட் இல்லைதானே?

ஆமாம்! அவன் செய்யறது எல்லாமே கேர்லெஸ் மிஸ்டேக்ஸ்!

அவ்வளவுதானே? அது தானா சரி ஆயிடும்!

உங்களுக்கு இந்த மார்க் வருத்தமாகவே இல்லையா?

நிச்சயமா இல்லை! அவன் பெயர் ராமானுஜன் இல்லை! சிவா! அவனுக்கு எது வருதோ அதை செய்யட்டும்!

ஸாரி ஸார், நீங்க பொறுப்பில்லாம பேசறீங்கன்னு எனக்குப் படுது
இப்போ இருக்கற காம்பெடிட்டிவ் ஸ்டேட்ல ஈவன் 99.5% மார்க் கூட போதாது ஸார்!

எதுக்கு?

நல்ல காலேஜ்ல இடம் வாங்க!

மேடம், அவன் அந்த ரேஸ்ல இல்லை!
அவனுக்கு எதில் விருப்பம் இருக்கிறதோ, அதை படிக்க அவனே தகுதிப்படுத்திக்குவான்! எனக்கு நம்பிக்கை இருக்கு!

சரி, அவன் என்ன ஆகணும்ன்னு நீங்க நினைக்கிறீங்க?

அதை நான் ஏன் நினைக்கணும்? அவனுக்கு எல்லா அவென்யூவையும் காட்டியாச்சு! அதில் அவன் தேர்ந்தெடுக்கட்டும்!
இப்போதைக்கு ஆடிட்டரோ, ஐஏஎஸ்ஸோ ஆக ஆசைன்னு சொல்றான்!
மே பீ அடுத்த வருடம் அவன் முடிவுகள் மாறலாம்
ஒருவேளை, அவனுக்குப் பிடித்த இசைத்துறை கூட செலெக்ட் பண்ணலாம்!

ம்யூசிக்கா? ஸார், ஆர் யூ சீரியஸ்?

ம்ம்.. அவன் பாதை அதுதான் அப்படின்னா, ஒரு பேசிக் டிகிரி படிக்க சொல்லிட்டு, ட்ரினிட்டி தேர்வெல்லாம் எழுதச் சொல்லலாம்!

மன்னிக்கணும் ஸார்! இவ்வளவு இர்ரெஸ்பான்சிபிள் ஃபாதரை இதுவரைக்கும் நான் பார்த்ததில்லை!

ரெஸ்பான்சிபிள்ன்னா என்ன பண்ணனும் மிஸ்?
என்னோட கனவுகளை, என்னோட ஆசைகளை அவன் மண்டைக்குள்ள திணிக்கணுமா
அதுதான் பொறுப்புன்னா அது எனக்கு இல்லாம இருக்கறதே நல்லது!
அவனுக்கு எது இயல்பா வருதோ, அவனுக்கு எது பிடிச்சிருக்கோ, அதில் அவன் போகட்டும்! அதுதான் அவனுக்கு நல்லது!

அப்போ ஸ்கூல்ல நாங்க சொல்லியே தரவேண்டாமா?

எல்லோருக்கும் சொல்லித்தரும்போது அவன் சந்தேகம் கேட்டா சொல்லித்தாங்க
எனக்கு ஸ்கூல்ல குழந்தைகளுக்கு நல்ல பழக்கவழக்கம், நட்போடு பழகும் முறை, இதெல்லாம் சொல்லிக்கொடுத்தா போதும்! அதுதான் முக்கியம்!

ஆனா, அவனுக்கு கான்சென்ட்ரேசன் பத்தலை ஸார்!

அது எனக்கும் புரியுது மிஸ்! அதுக்குத்தான் அவனை  ஞாயிறன்று கூட்டிப்போறேன்

ஏதாவது கவுன்சிலிங்?

இல்லை! அவனுக்கு பிடிச்சமாதிரி டூ வீலரில் ஒரு லாங் ரெய்டு
கோத்தகிரி ரோட்ல
எங்கேயாவது ரம்மியமான இடத்துல நிறுத்தி, செக்ஸ் பத்தி பேசப்போறேன்!

வ்வ்வாட்!

ம்ம்! அதுக்கு ஏன் இவ்வளவு ஷாக் ஆகறீங்க?

அவனுக்கு பதினைந்து வயசு!
டீவில நேப்கின், காண்டம் எல்லா  விளம்பரமும் பார்க்கறான்! வீட்டுல மாசம் ஒருதடவை அம்மாவோ அக்காவோ வயத்துவலின்னு சொல்லி சுருண்டு படுக்கறதும் பார்க்கறான்!
எலெக்ட்ரிக் கடைல ஒரு ப்ளக் வாங்கப்போனா மேலா, ஃபீமேலான்னு கேக்கறதையும் .. அப்போ அவனுக்கு வர்ற சந்தேகங்கள்தான் அவன் கவனத்தை சிதைக்குதோன்னு ஒரு சந்தேகம்!

மேலும் இது அவன் தெரிந்துகொள்ளவேண்டிய வயசு!
சத்தியமா உங்க ஸ்கூல்ல அதை சொல்லிக் கொடுக்கப்போறதில்லை!

அதுக்காக, அப்பாவே இதெல்லாம் எப்படி?

மேடம், நாம படிக்கற வயசுல பொண்ணுகளோட உட்கார வைக்கறது ஒரு வயசுல தண்டனை, இன்னும் கொஞ்சம் வயசானதும், பொண்ணுங்களோட பேசுனாலே தண்டனை!
இப்படி எதிர் பாலினம் ஒரு அசிங்கமாகவும், எட்டாக்கனி ரகசியமாகவும்தானே இருந்துச்சு?
நாமே முட்டிமோதி அரைகுறையாய் தப்புத்தப்பாய் தெரிந்துகொண்டதுபோல இந்தத் தலைமுறையும் தெரிஞ்சுக்கணுமா?
ஒரு பெண்ணோட அவஸ்தைகள் புரிஞ்சாதான் ஒரு நல்ல ஆணா வளரமுடியும்!
கண்டகண்ட வீடியோ பார்த்தோ, பசங்களுக்குள்ள பேசியோ தெரிஞ்சுக்கறதை, நாமே தெளிவா, புரியறமாதிரி சொல்லிக்கொடுக்கலாமே?

எப்படி இதை ஆரம்பிப்பீங்க? கூச்சமா இருக்காதா?

இருக்கும்தான்! அவனுக்கு நித்யாமேனன் ரொம்பப் பிடிக்கும். அதிலிருந்து லீட் எடுத்து பேசவேண்டியதுதான்!

உங்களுக்கு?

எனக்கு நித்யாமேனன் பிடிக்காது! உங்கள மாதிரி ஒல்லியா உயரமா இருக்கறவங்களைத்தான் பிடிக்கும்!
சாரி! மனசுல பட்டதை சொன்னேன்!

இட் ஈஸ் ஓகே!

அவன்கிட்ட எப்படி பேசறீங்கன்றதை எனக்கும் சொல்லமுடியுமா? ஒரு பேப்பரில் எழுதிக் கொடுங்களேன் ஒருநாள், ப்ளீஸ்!

எதுக்கு?

என் பையனுக்கும் சொல்லத்தான்!
அதுகூட வேண்டாம்!
என் போன் நம்பர் ... அவன் கூட பேசும்போது இதை டயல் பண்ணி ஆன்ல வச்சுக்கறீங்களா எனக்கு அவன் ரியாக்சனும் தெரியறது பெட்டர்! மேலும் இதை உங்களிடம் எழுதி வாங்குவதும் எனக்கு கூச்சமாக இருக்கும்!

ஸ்யூர்!

யூ ஆர் ஏன் ஆவ்சம் ஃபாதர்!

இல்லை மிஸ்! ஒவ்வொரு குழந்தையும் ஆவ்சம்!
அதை நாம் கெடுக்காமல் இருந்தால் போதும்!
சரி, நான் கிளம்பட்டுமா?

ஸார்! உங்களோட நான் என்ன பேசினேன் அப்படின்னு பிரின்ஸிபால்கிட்ட ரிப்போர்ட் சப்மிட் பண்ணனும்!
என்ன சொல்ல?

இப்போ நாம பேசுனதை அப்படியே சொல்லுங்க! அதுதானே உண்மை!

அவங்க ஏதும் தப்பா எடுத்துக்கிட்டா?

என்கிட்டே சொல்லுங்க! நான் வந்து பார்க்கறேன்!

தாங்க்யூ!
சண்டே போனால் மறக்காம கால் பண்ணுங்க!

ஓகே!
ஒன்னு சொல்லலாமா?

சொல்லுங்க!

யு ஆர் ஜஸ்ட் லுக்கிங் க்ரேட் இன் திஸ் சாரி!

இதையும் பிரின்சி கிட்ட சொல்லவா?

ஹா ஹா! அவங்க பொறாமையை தூண்டறது உங்களுக்கு நல்லதில்லை!
பை!

வெளியே வந்து வண்டியை எடுக்கும்போது, இன்றைய அப்ரைசல் மீட்டிங் எந்த லைன்ல போகணும்ன்னு ஒரு க்ளூ கிடைத்திருந்தது!

மெல்லிய விசிலோடு அன்றாடத் தலைவலிக்கு கிளம்பினான் ரவி!